Një aksident i rëndë është regjistruar mëngjesin e kësaj të premte në aksin rrugor Berat-Dimal, në afërsi të Urës së Moravës.
Burime për mediat bëjnë me dije se rreth orës 07:30, janë aksidentuar dy automjetet me drejtues shtetasin F.P, 31 vjeç dhe shtetasin Eduart Ismaili, 50 vjeç.
Fatkeqësisht si pasojë e përplasjes së fortë, mjeti i cili drejtohet nga Ismaili është shkatërruar totalisht. 50-vjeçari qëndroi i bllokuar në automjet dhe u desh ndërhyrja e zjarrfikësve për ta nxjerrë jashtë.
Menjëherë ai u dërgua në Spitalin Rajonal të Beratit, por fatkeqësisht si pasojë e plagëve të marra ndërroi jetë. Grupi hetimor po punon në vendngjarje për zbardhjen e rrethanave të rastit.
