Një aksident i rëndë është regjistruar mëngjesin e sotëm në lagjen “3 Heronjtë” të Shkodrës, ku një automjet i drejtuar nga shtetasja E. N., 70 vjeçe, ka përplasur këmbësoren L. N., 65 vjeçe.
Si pasojë e përplasjes, 65-vjeçarja është dërguar me urgjencë në Spitalin Rajonal të Shkodrës, ku fatkeqësisht ka ndërruar jetë si pasojë e plagëve të marra.
Policia ka nisur menjëherë procedurat ndaj drejtueses së mjetit, ndërkohë që grupi hetimor po punon për zbardhjen e plotë të rrethanave të këtij aksidenti tragjik.
Njoftimi i policisë:
Shkodër/Informacion paraprak
Rreth orës 10:50, në lagjen “3 Heronjtë” automjeti me drejtuese shtetasen E. N., 70 vjeçe, ka përplasur këmbësoren shtetasen L. N., 65 vjeçe.
Si pasojë e përplasjes, 65 vjeçarja ka humbur jetën në Spitalin Rajonal Shkodër.
Me drejtuesen e automjetit po kryhen veprimet e mëtjeshme proceduriale.
Grupi hetimor po punon për sqarimin e rrethanave të aksidentit.
