Një ngjarje e rëndë raportohet të ketë ndodhur mesditën e sotme në zonën e “Don Boskos” në Tiranë.
Sipas njoftimit të policisë, shtetasja me iniciale L. N. rreth 60 vjeçe, është vetëhedhur nga kati i 8-të i pallatit ku banonte dhe për pasojë ka humbur jetën.
Autoritetet ndodhen në vendin e ngjarjes ndërsa ende nuk dihet se cilat kanë qenë arsyet që e kanë çuar 60-vjeçaren të ndërmarrë këtë akt ekstrem.
“Tiranë/Informacion paraprak.
Rreth orës 11:00, në rrugën “Don Bosko”, dyshohet se është vetëhedhur nga lartësia e katit të 8-të, në pallatin ku banonte, shtetasja L. M., rreth 60 vjeçe, e cila për pasojë ka humbur jetën.
Grupi hetimor ndodhet në vendngjarje dhe punon për identifikimin e saj dhe sqarimin e rrethanave të rastit”, thuhet në njoftimin e policisë.
