Një 38-vjeçar dyshohet të jetë vetëvrarë rreth mesantës në banesën e tij.

Referuar njoftimit të policisë, 38-vjeçari me iniciale B. A., i cili banonte në bulevardin “Nënë Tereza” në Kamzë, dyshohet të ketë qëlluar veten me armë zjarri. Sipas burimeve të TCH, 38-vjeçari zotëronte një biznes në zonën ku dhe banonte.

Vijon të mbeten ende të paqarta arsyet që kanë çuar 38-vjeçarin të kryejë këtë akt ekstrem, sakaq autoritetet kanë sekuestruar armën e zjarrit në cilësinë e provës materiale ndërsa hetimet vijojnë për dokumentimin e plotë të rastit.

“Rreth mesnatës, dyshohet se është vetëvrarë me armë zjarri, në banesën e tij, në bulevardin “Nënë Tereza”, Kamzë, shtetasi B. A., 38 vjeç. Arma e zjarrit u sekuestrua me cilësinë e provës materiale. Punohet për sqarimin e rrethanave të rastit”, thuhet në njoftimin e policisë.